Deklarata të rënda për Bitcoin vijnë nga Banka Qendrore Evropiane, përmes disa zyrtarëve. Ulrich Bindseil dhe Jürgen Schaaf në blogun e BQE-së publikuan një postim të titulluar “Qëndrimi i fundit i Bitcoin”, ku japin një ekskursus të kriptomonedhës.
Në analizimin e rënies së fundit të vlerës së Bitcoin nga 69 dollarë në 16,829 dollarë në vlerë, të dy zyrtarët thonë se me rreth 20,000 dollarë, kriptomonedha ka gjetur kohët e fundit stabilitet në atë që ata e quajnë “një gulçim i fundit i nxitur artificialisht përpara rrugës drejt parëndësisë – dhe kjo ishte tashmë e parashikueshme më parë. FTX dështoi dhe e uli çmimin e bitcoin nën 16,000 dollarë”.
Bankierët qendrorë argumentojnë se “mangësitë teknologjike” të Bitcoin e bëjnë atë “të dyshimtë” si një metodë pagese dhe “transaksionet e vërteta të Bitcoin janë të rënda, të ngadalta dhe të shtrenjta”.
Në paragrafin tjetër, megjithatë, ata fokusohen në përdorimet: “Bitcoin nuk është përdorur kurrë në një masë të konsiderueshme për transaksione ligjore në botën reale. Nuk gjeneron flukse monetare (si pasuritë e paluajtshme) ose dividentë (si aksionet), nuk mund të përdoret në mënyrë produktive (si mallrat) ose të sigurojë përfitime sociale (si ari). Prandaj, vlerësimi në treg i Bitcoin bazohet vetëm në spekulime”.
Discussion about this post