Varësia nga interneti është një problem shumë serioz mes të rinjve në Kinë. Kjo është arsyeja pse Pekini ka vendosur të godasë përdorimin e celularëve nga të miturit.
Duke filluar nga 2 shtatori, kushdo nën moshën 18 vjeç nuk do të jetë në gjendje të shfletojë në internet nga ora 22:00 deri në 6 të mëngjesit dhe gjithashtu do të shohë kufizime vetëm për përdorimin e smartfonëve. Rregullat e reja, të shpallura të mërkurën më 2 gusht, u zhvilluan nga Administrata e Hapësirës Kibernetike të Kinës (Cac), organi rregullator kinez i internetit.
Siç u përmend, për të miturit ka edhe një kohë maksimale për përdorimin e celularit, e ndarë sipas grupmoshave: maksimumi 40 minuta çdo 24 orë nën tetë vjeç dhe dy orë për ata 16 ose 17 vjeç.
Rregullat – të cilat në fakt u lejojnë prindërve të “anashkalojnë” kufijtë nëse dëshirojnë, duke i bërë kështu më të butë – kanë për qëllim shmangien e formave të varësisë nga interneti tek të miturit dhe promovimin e përmbajtjes së internetit të përshtatshme për ata nën 18 vjeç. Qëllimi është krijimi i “një mjedisi pozitiv online”.
Discussion about this post