Tesla i tha Prokurorit të Përgjithshëm të Maine se data breach në maj ishte shkaktuar nga dy ish-punonjës. Gazeta gjermane Handelsblatt ka marrë rreth 100 GB të dhëna që përmbajnë informacione konfidenciale të kompanisë dhe ato të më shumë se 75,700 punonjësve.
Vjedhën të dhënat e mbi 75.700 personave
Bazuar në njoftimin e dërguar Prokurorit të Përgjithshëm të Maine, shkelja e të dhënave ndodhi më 10 maj. Handelsblatt informoi Tesla-n se kishte marrë rreth 100 GB të dhëna, duke përfshirë disa dokumente që nxjerrin në pah problemet teknike të makinave. Midis 2015 dhe 2022, pronarët raportuan defekte me sistemin e frenimit, mbytjen dhe teknologjinë Autopilot.
Tesla tani ka konfirmuar se të dhënat e 75,735 punonjësve (ish dhe aktualë) janë vjedhur gjithashtu. Informacioni personal në bazën e të dhënave është emri, mbiemri, adresa e emailit, adresa e banimit, numri i telefonit dhe numri i sigurimeve shoqërore. Gazeta gjermane nuk ka publikuar asnjë të dhënë personale.
Pas përfundimit të hetimeve, Tesla zbuloi se autorët e vjedhjes janë dy ish-punonjës. Këta të fundit janë identifikuar dhe denoncuar. Kjo çoi në sekuestrimin e pajisjeve të tyre elektronike, kompania e Elon Musk gjithashtu kërkoi dhe mori nga gjyqtari një urdhër për të parandaluar përdorimin, aksesin dhe shpërndarjen online të informacionit.
Tesla nuk ka gjetur asnjë provë për ndonjë përdorim të paligjshëm të të dhënave (p.sh. për vjedhje identiteti ose phishing). Prodhuesi i automjeteve premton të zbatojë masat e duhura për të mbrojtur të dhënat dhe për të siguruar privatësinë e punonjësve.
Discussion about this post