Sipas asaj që ka dalë gjatë orëve të fundit, Apple është duke punuar në një version të përditësuar të Xcode duke përfshirë një mjet AI për gjenerimin e kodit.
Apple: Xocde me AI për të gjeneruar kod
Duke hyrë në më shumë detaje, mjeti AI i Xcode pritet të jetë i ngjashëm me GitHub Copilot të Microsoft, i cili mund të gjenerojë kodin bazuar në kërkesat e bëra në gjuhën natyrore dhe të konvertojë kodin nga një gjuhë programimi në tjetrën.
Mjeti Xcode AI do të ndihmojë në parashikimin dhe plotësimin e blloqeve të kodit, duke u dhënë kështu zhvilluesve aftësinë për të thjeshtuar procesin e krijimit të aplikacionit.
Për momentin, gjigandi i Cupertino është duke e testuar funksionin nga brenda midis inxhinierëve të tij dhe planifikon ta lëshojë atë tek zhvilluesit e softuerit të palëve të treta deri në fund të vitit, por një datë e saktë nuk është dhënë për momentin.
Duhet mbajtur parasysh se veçoritë e inteligjencës artificiale të shtuara në Xcode do t’i bashkohen shumë veçorive të tjera të bazuara në AI që “molla e kafshuar” planifikon të zbatojë në Siri dhe aplikacione të tjera “standarde”. Sipas thashethemeve, Craig Federighi, kreu i softuerit të Apple, u ka kërkuar punonjësve të krijojnë sa më shumë veçori të reja të AI për iOS 18, iPadOS 18 dhe macOS 15.
Kujtojmë se gjatë thirrjes së fitimeve të Apple në fillim të këtij muaji, Tim Cook, CEO i Apple, premtoi se kompania do të ndajë më shumë detaje në lidhje me evoluimin dhe zbatimin e inteligjencës artificiale në produktet dhe shërbimet e saj këtë vit.
Discussion about this post