Me më pak se një muaj deri në zgjedhjet në SHBA, OpenAI, kompania mëmë e ChatGpt, ka parë një numër përpjekjesh nga aktorë të jashtëm, në të cilat modelet e saj të AI janë përdorur për të gjeneruar përmbajtje të rreme, duke përfshirë artikuj dhe komente në mediat sociale.
Këtë e ka deklaruar kompania në një raport, duke saktësuar se në vitin 2024 deri më tani janë neutralizuar mbi 20 tentativa të këtij lloji.
Kërcënimet – shpjegon analiza – variojnë nga artikujt në faqet e krijuara nga inteligjenca artificiale deri te postimet në mediat sociale nga llogari të rreme. Përdorimet e lidhura me zgjedhjet e AI, shkruan OpenAI, “varojnë në kompleksitet, nga kërkesat e thjeshta për gjenerimin e përmbajtjes deri tek përgjigjet ndaj postimeve në mediat sociale”. , Përmbajtja lidhet kryesisht me zgjedhjet në Shtetet e Bashkuara dhe Ruanda dhe, në një masë më të vogël, zgjedhjet në Indi dhe BE. Nga fundi i gushtit, një operacion iranian kishte përdorur tashmë produktet OpenAI për të gjeneruar “artikuj të gjatë” dhe komente në mediat sociale mbi zgjedhjet në SHBA, si dhe tema të tjera.
Raporti vjen më pak se një muaj para zgjedhjeve presidenciale në SHBA më 5 nëntor. Përtej Shteteve të Bashkuara, ky është një vit me zgjedhje të rëndësishme në mbarë botën, duke prekur më shumë se 4 miliardë njerëz në mbi 40 vende. Rritja e përmbajtjes së gjeneruar nga AI ka çuar në shqetësime serioze të dezinformatave të lidhura me zgjedhjet, me numrin e falsifikimit të thellë të krijuar duke u rritur 900% nga viti në vit, sipas të dhënave nga Clarity, një kompani e mësimit të makinerive.
Discussion about this post