Të gjithë e dimë që “cookies” përdoren për të na ndjekur në internet. Por edhe nëse i fshini ato, gjurmët tuaja nuk zhduken plotësisht. Një metodë më e sofistikuar po përdoret gjithnjë e më shumë nga faqet dhe reklamat online për të identifikuar përdoruesit: gjurmimi i shfletuesit, ose siç njihet në anglisht browser fingerprinting.
Kjo teknikë mbledh të dhëna rreth pajisjes dhe shfletuesit tuaj – si modeli i telefonit, versioni i sistemit operativ, madhësia e ekranit, fontet e instaluara dhe madje edhe mënyra si procesori juaj interpreton kodin grafik. Kombinimi i këtyre detajeve krijon një “shenjtë gishtash dixhitale” unike për çdo përdorues. Dhe nëse mendoni se jeni të padukshëm pas “incognito mode”, gaboheni — edhe aty, shumë nga këto elemente mbeten të dukshme.
Ekspertët e privatësisë paralajmërojnë se ky sistem është shumë më i vështirë për t’u shmangur se “cookies” tradicionale, sepse funksionon pa u ruajtur asgjë në pajisjen tuaj. Në fakt, disa kompani e përdorin për të zbuluar përdoruesit që përpiqen të fshihen ose të shmangin reklamat e personalizuara.
Disa shfletues si Firefox dhe Brave po përpiqen ta kufizojnë këtë praktikë përmes opsioneve të mbrojtjes së privatësisë, por pjesa më e madhe e përdoruesve të internetit mbeten të ekspozuar.
Ekspertët rekomandojnë të përdorni shfletues me mbrojtje të avancuar, VPN dhe shtesa anti-tracking për të minimizuar gjurmimin, edhe pse një mbrojtje totale nuk ekziston ende.
Discussion about this post