Apple ka nisur shpërndarjen e versionit iOS 26.2 beta për zhvilluesit, duke sjellë një sërë risish që përqendrohen në personalizimin e përvojës së përdoruesit. Një nga më të spikaturat është “Liquid Glass”, një efekt dinamik që u lejon përdoruesve të personalizojnë ndërfaqen me nuanca të ndryshme transparence dhe lëvizjeje, duke krijuar një pamje më moderne dhe fluide në ekranin e tyre.
Ndër përditësimet më të rëndësishme përfshihet edhe funksionaliteti i ri i alarmit në aplikacionin “Reminders”, që u mundëson përdoruesve të vendosin njoftime zanore për detyrat e tyre – një veçori që shumë e kishin kërkuar prej kohësh. Përveç kësaj, Apple ka bërë disa përmirësime të vogla në stabilitetin e sistemit dhe ndërfaqen e përdoruesit, si dhe ka shtuar opsione të reja në personalizimin e ikonave dhe menaxhimin e njoftimeve.
Versioni iOS 26.2 është aktualisht në fazën e testimit dhe pritet të lëshohet publikisht gjatë javëve në vijim, në varësi të feedback-ut nga zhvilluesit dhe përdoruesit e hershëm.
Për përdoruesit shqiptarë të iPhone, këto përditësime pritet të jenë të disponueshme pas disa javësh, sapo Apple të lëshojë versionin final të iOS 26.2 globalisht. Si zakonisht, disa funksione të reja mund të mos jenë menjëherë të aksesueshme në të gjitha rajonet.
Discussion about this post