Në një ndryshim që mund të pëlqehet nga shumë përdorues, Google po teston një mundësi të re që u jep njerëzve mundësinë të ndryshojnë adresën e tyre të Gmail, pa humbur qasjen në mesazhet, kontaktet apo shërbimet e tjera të lidhura me llogarinë dhe pritet të shndërrohet në një nga përmirësimet më të kërkuara në sistemin e email-eve të Google.
Derisa sot përdoruesit e Gmail njihen me idenë se adresa e tyre është një identitet i pandryshueshëm — diçka që lidhet ngushtë me llogarinë e tyre Google dhe shërbime të tjera si Drive apo Calendar — ndryshimi i saj ka qenë gjithmonë një proces i komplikuar, që shpesh kërkon krijimin e një llogarie të re. Kjo nënkuptonte humbje të email-eve të mëparshme, kontakteve dhe ndërlikime në rikthimin e qasjes në shërbimet e Google. Sipas burimeve, funksioni i ri do të lejojë përdoruesit të zgjedhin një adresë të ndryshme brenda domenit “@gmail.com”, ndërsa Google do të ruajë qasjen në email-et dhe mesazhet ekzistuese. Kjo do të thotë se përdoruesi nuk do të humbasë komunikimet e mëparshme dhe nuk do të ketë nevojë të transferojë manualisht përmbajtje nga llogaria e vjetër te llogaria e re — një hap i madh drejt thjeshtësimit të përvojës.
Testimet e para tregojnë se përdoruesit do të kenë mundësi të bëjnë këtë ndryshim përmes cilësimeve të llogarisë së Google, ku do të shfaqet një opsion i ri për “ndryshimin e adresës së Gmail”. Ndërfaqja është projektuar që të jetë e qartë dhe intuitive, duke udhëzuar përdoruesin hap pas hapi se si të zgjedhë një adresë të disponueshme dhe si të konfirmojë ndryshimin. Google nuk ka ndarë ende detaje finale për datën e lansimit, por funksioni është në fazë testimi dhe disa përdorues në programet e provës e kanë parë tashmë në llogaritë e tyre. Kompania ka nënvizuar se dëshiron të sigurojë se ndryshimi është i sigurt dhe i pazhvlerësueshëm, duke ruajtur privatësinë dhe integritetin e të dhënave në çdo hap.
Ky veprim pritet të jetë një zgjidhje e mirëpritur për ata që duan të përditësojnë adresën e tyre për arsye profesionale apo personale, pa u detyruar të humbasin historikun e komunikimeve apo qasjen në shërbimet e lidhura. Për shumë përdorues Gmail, ky është një hap drejt më shumë fleksibiliteti dhe kontrolli mbi identitetin digjital.
Discussion about this post