Fëmijët dhe adoleshentët do të ishin më të lumtur nëse s’do të ekzistonin rrjetet sociale. Ky është përfundimi i një studimi të kryer, sipas të cilit fëmijët kanë përjetuar dhunë nga faqet e internetit.
Charlotte Robertson, bashkë-themeluesja e “Digital Awareness UK”, e cila zhvilloi hulumtimin, tha se adoleshentët ishin duke ndjekur shembullin e të famshmëve.
Studimi me 5.000 nxënës në shkollat në Angli u ndërmor nga “Digital Awareness UK” në emër të Konferencës së Kryetarëve dhe Drejtorëve (HMC).
Të rinjtë kanë filluar ta pranojnë se rrjetet sociale po ndikojnë në shëndetin dhe mirëqënien e tyre në forma që ata nuk i kishin njohur më parë.
Sipas studimit, të rinjtë janë më të zhgënjyer si pasojë e efekteve negative të teknologjisë, nga abuzimi në internet dhe lajmet e rreme.
Dy e treta e nxënësve të përfshirë në studim thanë se do të ishin të lumtur sikur rrjetet sociale të mos ishin shpikur kurrë.
Shumë të anketuar treguan se përdorimi i rrjeteve sociale po ndikon negativisht në mirëqenien e tyre emocionale. Nga anketimi rezulton se 57% thanë se kishin marrë komente negative në internet, 56% pranuan se ishin të varur dhe 52% thanë se rrjetet sociale i kanë bërë ata të ndjehen me më pak vetëbesim lidhur me pamjen apo jetën që kishin.
Ndërkohë, më shumë se 60% besonin se miqtë e tyre shfaqnin një “version të rreme” të vetes në rrjetet sociale, si dhe 85% e nxënësve mohuan të ishin fajtorë mbi “varësinë” ndaj rrjeteve sociale.
Burimi: The Telegraph; Përshtati: Tirana Today
Discussion about this post