Operatori telefonik Vodafone ka nxjerrë në ankand SMS-në e parë në histori si një NFT (token jo i këmbyeshëm). Mesazhi u dërgua më 3 dhjetor 1992 dhe u prit nga punonjësi i Vodafone, Richard Jarvis, në një festë Krishtlindjesh. Nuk është rastësi që mesazhi historik mban tekstin “Gëzuar Krishtlindjet” i cili do të dalë në shitje nga shtëpia e ankandeve Aguttes, në Francë.
Blerësi do të jetë në gjendje të blejë NFT me kriptomonedhën Ethereum dhe do të bëhet pronar ekskluziv i një kopjeje të detajuar dhe unike të protokollit origjinal të komunikimit që transmetoi SMS-në e parë në botë.
“Libri i parë i printuar, telefonata e parë, emaili i parë: të gjitha këto shpikje ndryshuan jetën tonë dhe komunikimin tonë në botë. Ky SMS i parë i marrë në 1992 është një dëshmi historike e përparimit njerëzor dhe teknologjik. Ai transmetoi një mesazh gëzimi , ‘Gëzuar Krishtlindjet'”, tha Maximilien Aguttes, kreu i shtëpisë së ankandeve.
Ashtu si SMS në vitet 1990 dhe fillim të viteve 2000, teknologjia blockchain ka parë një evolucion gjithnjë në rritje dhe bota jonë ka hyrë në një epokë të re të formësuar nga teknologjitë dixhitale. SMS e parë e dërguar në rrjetin Vodafone ishte një ngjarje historike për botën e teknologjisë celulare.
Ankandi do të mbahet më 21 dhjetor 2021 dhe të ardhurat nga shitja do t’i dhurohen për bamirësi UNHCR-së, Agjencisë së Kombeve të Bashkuara për Refugjatët me synimin për të mbështetur 82.4 milion njerëz të detyruar të largohen nga shtëpitë e tyre për shkak të konfliktit dhe persekutimit.
Discussion about this post