Universi i “Cross the Ages” po hyn në një kapitull të ri. Loja e re “Arise”, pjesë e të njëjtit ekosistem fantastiko-shkencor, ka nisur testimin alfa dhe është e disponueshme falas për dy javë në Epic Games Store. Me këtë hap, zhvilluesit synojnë të tregojnë se si do të duket faza e ardhshme e projektit të tyre ambicioz, që shtrihet nga lojërat me karta deri te botët me RPG në kohë reale.
“Arise” vjen si një lojë aksioni e lirë për t’u luajtur, e ndërtuar mbi eksplorimin, luftimet dhe progresin e vazhdueshëm. Lojtarët mund të zhytet në dungeons, të përballen me kundërshtarë në PvP, të mbledhin burime dhe të ndërtojnë strategjitë e tyre ekonomike. Çdo zonë e lojës është menduar që të krijojë një ndjesi aventure të hapur, ku rregullat i vendos lojtari përmes stilit të tij të lojës.
Një prej veçorive kryesore që e dallon “Arise” është ndërveprimi i saj me asetet ekzistuese të Cross the Ages. Koleksionet NFT, kartat digjitale dhe sendet e fituara nga lojërat e tjera mund të përdoren edhe në këtë botë, duke krijuar një ekosistem të ndërthurur ku progresi dhe investimi i lojtarëve nuk mbeten të kufizuara në një titull të vetëm. Kjo qasje e bën “Arise” pjesë të një vizioni më të gjerë për të krijuar një univers të qëndrueshëm, të gjallë dhe të bashkuar.
Testimi alfa do të zgjasë deri më 10 dhjetor dhe aktualisht loja është e disponueshme vetëm për Windows përmes Epic Games Store. Zhvilluesit kanë paralajmëruar se pas përfundimit të fazës së provës, “Arise” do të zgjerohet për më shumë platforma dhe do të ofrojë përmbajtje shtesë për të përforcuar eksperiencën e lojtarëve.
Me këtë hap, Cross the Ages po synon të forcojë identitetin e tij si një projekt që bashkon gaming-un tradicional me teknologjitë më moderne të blockchain-it, duke i ofruar komunitetit një univers, i cili rritet, evoluon dhe mbetet i ndërlidhur.
Discussion about this post