Apple i konsideron telefonat iPhone si platformën kryesore të inteligjencës artificiale të së ardhmes, deklaroi shefi i operacionit Jeff Williams.
Gjatë javës, Apple do të fillojë furnizimin me smartphonat iPhone X të porositur deri tani, që fillojnë nga 999 dollarë dhe funksionojnë në bazë të tipareve të inteligjencës artificiale.
Telefoni karakterizohet nga veçori të reja të njohjes së fytyrës, Face ID që përdor modelin matematikor të tipareve të fytyrës së përdoruesit.
“Ne mendojmë se motorët nervorë që kemi në telefon dhe në orë do të jenë pjesë e rëndësishme e së ardhmes, pra këto korniza do t’i lejojnë zhvilluesit të krijojnë aplikacione të kësaj natyre, duke e bërë telefonin një platformë të madhe,” tha Williams.
Williams tha se risitë teknologjike do të përmirësojnë jetën pa sakrifikuar privatësinë dhe sigurinë.
“Unë mendoj se ne jemi në një pikë ku me anë të teknologjisë mund të ndryshojmë me të vërtetë botën”, tha ai.
Williams tha se zhvillimi i inteligjencës artificiale të Apple nuk do të kufizohet vetëm në telefonat celular. (TIRANA TODAY)
Discussion about this post