Duke filluar në dhjetor, do të jetë e mundur për të arritur Greqinë, Malin të Zi dhe Shqipërinë, nga Brindisi me një fluturim privat me kosto të ulët nga Volaoblò. Një shërbim aerotaksi do të lidhë Brindisin e Italisë me Tiranën dhe Vlorën, duke nisur që nga ky muaj.
“Duke filluar nga dhjetori, mund të bëni një turne në Greqi, Mal të Zi dhe Shqipëri, nga Brindisi me një fluturim privat nga Volaoblo, në vetëm 45 minuta”, shkruan media italiane.
Avioni që do të përdoret për të lidhur qytetin italian me qytetet shqiptare, Korfuzin e Greqisë dhe Tivarin e Podgoricën e Malit të Zi do të jetë një Piper Meridian me elikë, katërvendësh, i cili, nëse prenotohet i gjithi, mund të shkojë edhe në destinacione të tjera.
Çmimet e biletave ndryshojnë në varësi të numrit të pasagjerëve, me të gjitha vendet e zëna, udhëtimi vajtje-ardhje brenda ditës Brindisi-Tiranë kushton 450 euro për pasagjer, ndërsa me Vlorën kostoja do të jetë 400 euro, ndërkohë që bileta vetëm ardhje nga Brindisi në Tiranë apo Vlorë do të jetë përkatësisht 380 dhe 360 euro.
“Shërbim i ri, synon disa pasagjerë. Në fakt, krahasuar me kostot e avionëve privatë, ato të Volaoblò janë të përballueshme për udhëtarët; nëse ata janë sipërmarrës të vegjël dhe të mesëm, të cilët kanë nevojë të arrijnë shpejt në qytetet e Ballkanit. Këta mund të jenë dhe udhëtarë apo turistë të cilët janë të etur për të jetuar eksperienca unik dhe të veçanta. Çmimet ndryshojnë në varësi të numrit të udhëtarëve (nëse avioni është plot, shpenzimet zvogëlohen) dhe nëse jeni me fat ekziston mundësia e gjetjes së biletës së minutës së fundit që zvogëlon koston e biletës”. Pronare e kompanisë është Giovanna Leaf.
Discussion about this post