Sonda “InSight” e NASA u ul në mënyrë të sigurt në Mars, këtë të hënë pas një zbritje të tensionuar prej shtatë minutash.
Roboti ka dërguar imazhet e para të pamjes së tij në sipërfaqen e planetit të kuq.
Imazhi i parë që u dërgua ishte një pamje e errët, me lentet sy-peshk. Fatmirësisht, një foto tjetër më vonë arriti të kapë sipërfaqen Marsiane në një qartësi më të mirë.
Sonda është aktualisht e ulur në “Planitia Elysium”, një fushë e gjerë e sheshtë të cilën NASA e ka quajtur “parkingu më i madh në Mars”. Mburoja e nxehtësisë së pajisjes, parashuta dhe rrotat e raketave ndihmuan në një ulje të butë.
“Si eksplorues përballemi me mundësi suksesi jo më të mëdha sesa 50%”, tha kreu i departamentit shkencor të agjencisë amerikane të hapësirës, Thomas Zurbuchen.
Sidoqoftë, roboti nuk do të shpenzojë kohën e misionit të tij duke kapur foto të peizazhit dhe selfie, por në vend të kësaj do të kryejë një hetim thelbësor (“kokë e këmbë”) ndaj brendësisë së thellë të Planetit të Kuq, i vetmi planet, përveç Tokës, që njerëzimi ka studiuar në këtë mënyrë.
Mësimet e së shkuarës i erdhën në ndihmë “InSight”-it. Në rastin e saj u përdor i njëjti kombinim mbrojtjeje termike, që u dëshmua i suksesshëm me pozicionimin e sondës “Phoenix” të NASA-s, në vitin 2007, gjatë misionit të kërkimit për ujë. Prandaj dhe ne dështimet, duhet t’i kthejmë në dobinë tonë.
Discussion about this post