Në epokën e TikTok-ut, algoritmeve dhe inteligjencës artificiale, e vërteta nuk po funksionon më si dikur. Bazuar në librin e ri The Future of Truth të autorit Steven Rosenbaum, Gjenerata Z po zhvillon një marrëdhënie krejtësisht të re me informacionin, besueshmërinë dhe realitetin online.
Rosenbaum argumenton se Gen Z është brezi i parë që është rritur plotësisht brenda ekosistemeve të mediave sociale dhe për këtë arsye nuk e përjeton të vërtetën përmes institucioneve tradicionale si televizioni, gazetat apo universitetet. Në vend të kësaj, informacioni filtrohet përmes algoritmeve, emocioneve dhe diskutimeve sociale në kohë reale. Në analizë përmendet se rrjetet sociale kanë bashkuar lajmet, aktivizmin, argëtimin, reklamat dhe dezinformimin në të njëjtin feed emocional. Në këtë ambient, Gen Z shpesh reagon emocionalisht fillimisht dhe më pas kërkon verifikim përmes komunitetit ose rrjeteve sociale. Autori e përshkruan këtë si një “sistem të decentralizuar verifikimi”, ku besueshmëria ndërtohet kolektivisht dhe jo vetëm nga autoritetet tradicionale.
Artikulli paralajmëron gjithashtu se inteligjenca artificiale po e përshpejton krizën e besimit online. Deepfake-et, zërat e klonuar dhe influencerët virtualë të krijuar nga AI po e bëjnë gjithnjë e më të vështirë dallimin mes reales dhe informacionit së fabrikuar. Sipas Rosenbaum, kjo po krijon një epokë ku vetë koncepti i së vërtetës po bëhet “infrastrukturë e debatueshme”. Megjithatë, analiza nuk është tërësisht pesimiste. Ajo sugjeron se Gen Z nuk po heq dorë nga faktet, por po zhvillon forma të reja të besimit dhe verifikimit social në një internet ku algoritmet kanë filluar të zëvendësojnë autoritetet klasike. Pyetja nuk është më vetëm çfarë është e vërtetë, por kush ka të drejtën të përcaktojë të vërtetën në epokën e AI-së
Discussion about this post