Midis dy ikonave botërore të teknologjisë, Elon Musk dhe Mark Zuckerberg është zhvilluar një debat publik për inteligjencën artificiale. Në një moment të caktuar Musk i ka cilësuar njohuritë e Zuckerberg të kufizuara në këtë pjesë të teknologjisë.
Musk është shefi ekzekutiv i Tesla dhe Space X. Ai kërkoi në fillim të muajit vendosjen e rregullave të ashpra në lidhje me inteligjencën artificiale, duke thënë se ajo përbën një kërcënim serioz për ekzistencën e njerëzimit. Kjo ishte dhe zanafilla e këtij debati.
“Unë vazhdoj që t’i bie kambanës së alarmit, por askush nuk do ta kuptojë, derisa njerëzit të shohin robotët në rrugë duke vrarë njerëz dhe nuk do të dinë si të reagojnë”,-deklaroi Musk gjatë një mbledhje me guvernatorë amerikanë.
Musk thotë se njerëzit do të bëhen qytetarët të klasit të dytë në një të ardhme të dominuar nga inteligjenca artificiale, ose që do të përballemi me një revoltë robotësh në stilin terminator. Por Zukerberg i ka cilësuar komente të tilla si të papërgjegjshme. Ai tha se është optimist për inteligjencës artificiale dhe se ata që e kundërshtojnë po ndalojnë përparimin teknologjik. Sipas Zukerberg, komentet e Musk janë negative dhe të papërgjegjshme.
Reagimi i Musk ishte i menjëhershëm dhe përmes një postimi në Twitter ai tha se Zukerberg ka dijeni të kufizuara në fushën e inteligjencës artificiale. Debati për inteligjencës artificiale është mjaft i madh, por zërat potencialë të teknologjisë së shkencës si Bill Gates apo Stephen Hawking janë kundër saj pasi mendojnë se do të shënojë fundin e njerëzimit.
Discussion about this post