Presidenti Trump e ka kthyer teknologjinë në një fushë beteje kryesore në marrëdhëniet e SHBA-së me Kinën. Disa ekspertë thonë se shqetësimi më i madh i SHBA-ve janë projektet e Pekinit mbi teknologjinë e së ardhmes.
Qeveria kineze po mbështetet te inteligjenca artificiale, makinat elektrike dhe te procesorët kompjuterikë, duke investuar shuma të mëdha për të krijuar kampione të teknologjisë që do të kenë ndikim global.
Kompanitë perëndimore tashmë kanë ngritur shqetësime rreth këtyre planeve. Disa analistë kanë bërë thirrje që Shtetet e Bashkuara të rritin shpenzimet për zhvillimin e teknologjisë në mënyrë që të ndjekin ritmin e Kinës.
Ndërkohë që Trump përgatitet të takohet me Presidentin kinez Xi Jinping këtë javë, ja ku janë disa nga fushat ku konkurrenca mes dy vendeve po arrin kulmin.
Inteligjence artificiale
Presidenti rus Vladimir Putin parashikoi së fundmi se kushdo që bëhet lider në inteligjencën artificiale “do të bëhet sundimtari i botës”.
Kina dëshiron të jetë ajo lider. Ajo paraqiti planin e saj këtë verë për t’u bërë një superfuqi në inteligjencën artificiale deri në vitin 2030.
Makina elektrike
Ka një arsye pse Tesla (TSLA) është e etur të ndërtojë një fabrikë prodhimi në Kinë. Vendi ka tregun më të madh në botë për automjetet elektrike, falë kredive të mëdha tatimore dhe subvencioneve qeveritare.
Përpjekjet e Kinës janë duke dhënë rezultate për industrinë e këtij sektori. Kompanitë kineze janë ndër prodhuesit kryesorë të automjeteve elektrike në botë, dhe konsumatorët kinezë janë gjithnjë e më të interesuar në blerjen e tyre.
Procesorët kompjuterikë
Kina është larg prodhuesve më të mëdhenj të procesorëve që përdoren kudo, nga iPhone në automobila. Ajo konsumoi rreth 60% të tregut global të procesorëve, $ 354 miliardë në vitin 2015.
SHBA ka industrinë më të madhe të procesorëve, me kompanitë bazë në SHBA. Ato përbëjnë rreth gjysmën e tregut global, sipas hulumtimeve nga Shoqata e Industrisë së Semiconductor.
JACK MA- Themelues i Alibaba Group
(TIRANA TODAY)
Discussion about this post