Kompania finlandeze HMD Global, e cila është prapa telefonit Nokia, ka njoftuar së shpejti do të hidhen në treg dy variante të reja të Nokia 5.1 Plus.
Modelet e reja të Nokia 5.1 Plus vijnë me më shumë memorie se telefoni origjinal, i cili ka 3GB RAM dhe 32GB hapësirë për ruajtje. Duke filluar nga 7 shkurti, modelet më të avancuara Nokia 5.1 Plus do të jenë në dispozicion online, ndërsa në dyqane do jenë duke filluar nga data 12 shkurt.
Modelet më të lira do të kenë 4GB RAM dhe 64GB hapësirë ruajtëse, dhe do të kushtojnë rreth 200 dollarë, ndërsa modeli më i shtrenjtë do të ketë 6GB RAM dhe 64GB memorie të brendshme dhe do të kushtojë rreth 230 dollarë.
Pritet që ky çmim në Evropë të jetë pak më i lartë. Përveç memories dhe hapësirës së ruajtjes, nuk ka ndryshime të tjera kur bëhet fjalë për specifikimet.
Discussion about this post