Kompania e njohur më parë si Eternos, themeluar nga ish-CEO i LivePerson, Robert LoCascio, ka bërë një pivot të rëndësishëm dhe tani quhet Uare.ai. Me një financim fillestar prej 10.3 milionë dollarësh, platforma synon të krijojë një version dixhital personal të çdo përdoruesi — që reflekton zërin, historinë dhe stilin e vendimmarrjes së tij.
Në vend të një “immortaliteti digjital” pas vdekjes, Uare.ai fokusohet te përdorimi i përditshëm: përdoruesit mund të ngarkojnë të dhëna si tekste, zë dhe video për të ndërtuar një klon personal AI, i cili mund të përdoret për komunikim, përmbajtje kreative apo për ndihmë profesionale.
Platforma bazohet në Human Life Model (HLM), një model që pranon vetëm informacionin e dhënë nga përdoruesi. Nëse pyetjet shkojnë jashtë fushës së të dhënave të përdoruesit, AI-ja thjesht përgjigjet me “Nuk e di”, duke ruajtur besueshmërinë dhe autenticitetin e ndërveprimit.
Përveç përdorimit personal, kloni dixhital mund të ndihmojë krijuesit dhe profesionistët në komunikim me klientë, përmbajtje marketingu apo projekte të tjera që kërkojnë një avatar personal të besueshëm.
Ky pivot tregon një trend të ri në botën e inteligjencës artificiale: nga modelet e përgjithshme që përdoren nga të gjithë, drejt AI-së personale dhe të besueshme, që pasqyron secilin individ në mënyrë të saktë dhe të personalizuar. Me fondin e ri të mbledhur dhe teknologjinë unike të Human Life Model, Uare.ai synon të vendoset në krye të kësaj vale të AI-së personale.
Discussion about this post